Qur'an

mahfil-e-nur main anwaar barasta hai Qur'an
ghazab yeh haal ki tashna hai jo saqqa hai Qur'an

karbala-o-shaam ke dar-dar pe thaharta vo hai
dekha jo use to nazar ata hai Qur'an

ek Qura'n naize pe karta hai bayaN
ashq jari hain mohibbon ke jo sunte hain Qur'an

hay hay layin marta durre kyun hai
durre parte hain to aah larazta hai Qur'an

innama kahke karta hai taharat ko ayaaN
yeh bhi Qur'an hai, tasdiq karta hai Qur'an

haiy maqtal main tune kiski rida chini hai
darbar-e-shaam main uryaan jo hota hai Qur'an

Qur'an banta hai gawaah in sitam zayifon ki
yeh jo bolein to samjho ki bolta hai Qur'an

ek Qur'an taaq se haider, yeh deta hai sada
daman-e-itrat ko gar pakroge to samjhoge Qur'an

Baqaa

kya poochte ho mujhko tujhse kya chahiye
tere ishq main fanaa hun, baqaa chahiye

tere dar pe khara hun tashna-lab kis qadar
ek jam-e-kausar nazron se ata chahiye

tumhari yaad, tumhara intezar aur dil-e-beqaraar
ab zindagi main iske siwa kya chahiye

aj jo ayina dekha to tum nazar aye
khudi se poochta hun ki khud ko kya chahiye

subh gulzaar hai aur shabnam ne lee hai angrai
bas yadon ke siwa gul ko kya chahiye

Ab kya mangoon, raza teri, khushi teri, sehar teri
jo tujh pe mit chuka ho use tujhse kya chahiye

haider kyon dhoondhte ho mehboob har dar pe apna
voh to kab se hai muntazir, aur kya chahiye

bahut kam Dekhe

Jalwa-e-yaar ke charche idhar udhar dekhe
tujhe sarahne wale bahut kam dekhe

Ahl-e-shariyat aur Ahle-e-tariqat dekhe
Tere chahne wale bahut kam dekhe

Dekhe humne ishq ke unche unche dawe
jaan apni lutane wale bahut kam dekhe

Saqi-e-Kausar mila khudi se jo gaye hum
par yahaN pahuNchne wale bahut kam dekhe

Haider tum jo bane ho ghulam-e-boo-turaab
Yun Khaak maiN mitne wale bahut kam dekhe

Muntazar (awaiting)

Rahbar-e-ishq maiN haiN Khizar bhi Muntazar
Hai fizaa bhi Muntazar aur Chaman bhi Muntazar

Allah ke mehboob ki Jalwah FishaaaN nazroN se hai
Sham-o-sahar bhi Muntazir, do pahar bhi Muntazar

Raz-e-Mohammad hai kya, Jibrael se poocho
bal-o-par bhi Muntazar, Naqsh-o-qadam bhi Muntazar

Jab se liya hai hath, mehboob-e-awliya ho tum
hai raz-e-haqeeqat Muntazar, peer-e-tareeqat Muntazar

Gumbad-e-khazraN se tumko a rahi hai ek sada
karbal-o-sham ke haiN jo rehbar muntazar

Ibn-e-maryam-o-al-mahdi-o-sarkar ki amad ke sab
bahr-o-bar haiN muntazar, shams-o-qamar haiN Muntazar

Haider tu kooch kar hauz-e-kausar ki taraf
Hain Ahmed bhi Muntazar, Hasnain-o-Haider Muntazar

Unke Astane Pe

AyaN hai Koh-e-toor ka manzar unke astane pe
Chipe hain lakhoN pas-manzar unke astane pe

Bhatak raha tha Konain ki do rahon pe
Mila hai Jam-e-kausar unke astane pe

Yeh Junon-o-Ishq, yeh fana-o-baqa aur yeh bekhudi
Khuli hai raz-e-haqeeqat unke astane pe

Nasha aisa ki utarta nahin ab kyonkar
Mila hai saqi koi aisa unke astane pe

Chali simte ghayb se ek hawa aur machi halchal
Qafas udas ho kyonkar unke astane pe

Kya poochte ho usko kya mil gaya kaise
Jo kho chuka ho sab unke astane pe

Jo kuch nazar ata hai tu hi to nazar ata hai
Hui hai kaisi basharat unke astane pe

Ab kahan khojein kahan payein kise apna
Bana hai voh jo hamsafar tere astane pe

KruN phir sajdah yahaN dam bhar ke haider
Bana hun ghulam-e-mustafa tere astane pe

Ek Koshish

khudi main khud ko bhula khud ka pata dhoondhta hun
sarhadoN pe main qadmoN ke nishAN dhoondhta huN

Mera yaar hai mere paas aur main bekhabar
na jane kis makaN main lamakaaN dhoondhta hun

tere qareeb aur tujhse juda hone ke baad
jo fasle tai kiye unko yahaan dhoondhta huN

meri vahshat teri shohrat aur yeh mera intezaar
jab tu na mila to dar dar pe khara dhoondhta hun

sab mushkile ho asaN jo tu ek nazar dekh le
tu ho gaya ab mera to kya dhondhta huN.

Tauheed (Unity)

jab tu dikha to sab dikha
jo kuch dikha tujhmein dikha
sabse alag sabse juda
bas ek tera sang dikha

har ek rang, har ek dhang
tujhme mila tujhse khila
to ho gaya jispe fida
voh ban gaya apna khuda

afsana teri zaat ka
parvana ban ke ghumta
ho jaye uski kab fana
khud jo khudi main doobta

Aulaad ki Pukaar (A Child's Voice in Mother's Womb)

Shikam-e-madar main baitha voh sonchta tha
Kya meri maan mujhe yun maar dalegi
Aj aisi kya beeti hai us pe Maula
Jo subh se na mili hai ab-e-hayat
Kis tarah ab milegi mujhe meri khuraq
Vada jo tune kiya tha, koi zariya bana

Kis qadar mahdood hun main is shikam main
Maut aur hayaat ke darmiyan,
Hai yeh nau (9) maah ki zindagi
Tujhe khabar nahin mere Maula
Jo mere sath, kisi aur ke ghar aya tha
Uski maan ne use zinda shikam main dafnaya tha

Jab se aisi koi khabar ati hai
Yeh nau(9) maah ki zindagi badtar nazar ati hai
Kis tarah tune mujhe apna banaya hai
Ek ek dane ke liye uska banaya hai
Voh bhi kya sonchti hogi ki kya baar hun main
Ji jise chahe voh ji ka janjaal hun main

Bas ek hi dua lab par mere ati hai
Uski khushi main maut bhi shakkar nazar ati hai
Zindagi phir jo mili to voh saza si hogi
Maut ab mere liye ek dua si hogi
Aye meri maan kaat de jo rabt hai mujhse
Koi pooche to kehde ki khabt hai mujhse


Shikam-e-madar: Womb of the mother; ab-e-hayat: water of life; shikam: womb

Below is just an attempt to translate my own poem which is very hard. Doesn't sounds like the one above

In his mother’s womb he was thinking,
Will my mother will kill me like this
What happens to her today?
Haven’t got a single drop of water
How will I get my sustenance? My Lord!
Which you have promised, find a way

How limited I am in this womb
Between Death and life
This living of 9 months
You don’t know my Lord!
The one who came to the other house with me
Was buried alive in his mother’s womb

Since then, whenever I get any news like this
This life of 9 months become even worst for me
How have you made me for you
Always asking for food and sustenance to her
How she must have be thinking of a load like me
Whom she likes and detest the most

Now only one prayer comes to my lips
In her happiness even death will taste sweeter
If still I remain alive it will be a punishment
Death will remain like a prayer to me
O mother! Kill all the connections which I have with you
If any one ask, tell him that I was just a madness

Bhagvaan Krishna se Ek Mulaqat

Ek baar mele main mil gaye jo shri Krishna
Pooch baitha main, kaisa hai mijaz apka

Farmaya unhon ne karne aye hain tafreeh mele ki
Yahan is tamashe main jo milta hai amrit ankh ka

Main ne kaha bhagvan dharm bahut sankat main hai
Kya fayda hai duniya main apke avtaar ka

Gopiyon pe voh nazar kar yun batlane lage
Samajhta hun haal main tumhare jazbaat ka

Zara dekho gopiyan hain kis qadar sundar
Kyon kar rahe ho tazkira tum aj maar kaat ka

Kaha maine is khoobsoorti pe na jaiye bhagvan
Yahan kahan hai maza gokul ke us raag ka

Sharm aur haya na jane kahan kho gayi hai
Khoobseerat gopiyan to tasavvur hain mere aj ka

Bhakt ke dukh ko sunke dravit ho gaye bhagvan
Khol ke rakh diya sach phir apne haalaat ka

Thak gaya hun baar baar leke avtaar main ab
Haal nahin dekha jata is dharm bhrasht sansar ka

Koi to bane arjun mera, satya ke liye kare yudh
Hai koi mard-e-mujahid jo karde vinash andhkaar ka

First Snow of Season

Shwait hai dharti aur chandrama ko hui jalan
hriday aj phir kyun kar raha smaran

swaksh amrit banke tapakta hai yeh jal
har taraf umang phir kyun jal raha hai man

vichitra sanyog aisa ki voh apsara bekhabar
main phir kyun baitha uski yad main magan

tirche naynon main ulajhti hain chanchal kirne
khitij hai phir kyun pulkit kaisi yeh chitvan

neele ambar se utarte hain sushobhit rang
ujala hai har kan phir kyun lagi lagan

pichli barkha ki tarah yeh rang utar jayega
ho rahe jo prasan to kyun phir shithil hai tan

Shwait=White; Chandrama=Moon; Hriday=Heart; Smaran=Remembering;
Swaksh=Pure; Kirne=rays; Khitij=horizon; pulkit=happiness;
ambar=sky; kan=particle; barkha=rain; prasan=happiness; shithil=weak.

Madhya ratri ka ek swapn.....

hui jab madhya ratri, so raha tha jag
us samay kaal ke bhanvar ko bhed kar
dashakon ki chir nidra tyag kar
ek swapn swatantrata ka chal para us pag

uski shashti purti pe aoo naman karein
tejaswi parakram ko jo vishisht hai
ahinsa aur satya ke aadhar jo aseem hai
pragati ke is path pe phir prayasrat rahein

-----swatantrata diwas ki hardik shbhkamanayein

Pani (from the land of sacred 'waters')

Maghribi dhundh main bah gaya pani
Laaj aur sharm le gaya pani

Adab se hum na baith paye
Hichkiyon main pee gaye pani

Jo pak hota tha kabhi ganga main
voh aj khushk ho gaya pani

Lahoo nahaq ka kisne bahaya hai
Pee rahe the ki surkh ho gaya pani

Beabroo hui hurmat kya fasana hai
Dard aisa ki ashq ban gaya pani

taajjub yeh ki phir bhi bahta hai
ab kya kahein ki lajwaab pani

Maghribi= Western; khushk=dry; nahaq= innocent;
surkh=red; lahoo= blood; Hurmat= respect; fasana=story;
ashq=tears;

Paigham (Message for everyone)

paigham gar mohabbat ho insaniyat ka
to shigaaf na ho phir ittehad main

voh aawaz dein to kahna justojoo hai bas
ho amn aur sukoon phir bazar main

subah se lash uthata hun sham tak
kate hain sar kisne phir makan main

waqt aur lamha palat nahin sakta
kash voh fiza ho phir avaam main

har gali khush rang kahkashan si ho
aao baland hath karein phir dua main

paigham=message; shigaaf=divide; ittehad=unity;
amn=peace;lash=dead body, avaam=citizens;

[I have written this poem in hope to stop all kind of bloodshed. Lets pray for peace and serenity in each and every corner of mother earth.]

Ummid qayam hai....

ummid qayam hai taqdeer har waqt banti hai
mere rahbar teri tasveer bar-aqs banti hai

tasavur-e-ilahi aur tera gham jana
jis traf dil hai vahan rah savarti hai

yeh kaise marasim hain jo har waqt hain taza
dard hota hai dil main to tees si uthti hai

hamein kon samjahay ki mohabbat kya hai
voh bat bhi karte hain jahan bat nahin banti hai

Taqdeer=fortune; rahbar: guide; bar-aqs=face to face;
tasavur-e-ilahi= thinking about God; rah=way; marasim= relations;
tees=pain

Madhoshi

asmanon ki har kashish ko chumta chala
yun jhoomta chala ki main ghoomta chala

dil-e-ashiqi main bhi bahut se arman qayam hain
phir yeh sanjidgi ka alam kyon chata chala

yeh kon hai jo madhoshiyon main hosh rakhta hai
khumari ka yeh asar ki main dubta chala

masjidain bula rahi hain aur maikhane saje hue
mujhko nahin hai hosh ki main chalta chala

maikhane=bars; masjid=mosque

Rubaroo

bar-aqs ho gayi zindagi tufaaan ke ane par
maut ho jati sharminda insaniyat ke jane par

hai har ghar main chirag is bat ka parcham
ki moijze baqi hain kuch aur dikhane par

garibi teri bebasi aur teri tanhayi ka alam
badal na sakega yun amiri ke ane par

shan-e-haq aur batil ke beech ka farq zinda hai
varna sab khatm ho chuka hota uske jane par

batil=evil; shan-e-haq=good; moijze=miracle;
bar-aqs=rubaroo (face to face); parcham=flag;

al-muntazir

naqsh dil main sajoye rakhe hai
ashq hamne bhigoye rakhe hain
al-muntazir ap ki amad main ham
daman apna bichaye rakhe hain

har lamha har waqt tera intezar
qayam vujood dil main beqarar
mahfil jo sham se saj na saki
mehmaan apke bulaye baithey hain

---Tribute to "Mahdi"

ashq=tears; al-munatzair=awaiting;

Pratibimb (Reflection)

pratibimb chakrit hai,
koi use vishram to de.
thak chuke ab yeh asoon,
koi inhein tham to le.

surya nikla hai chitij pe,
uski hi mahima hai.
pushp jo mahak utha,
uski hi garima hai.

bik rahi bazaron main,
apsara mere khwabon ki.
pawitra hai vishisht hai,
koi uska dam to de.

yeh sanyog hai yo viyog,
shrangar ka abhilashi man.
kis tarah milenge priyatam,
koi mujhe jawab to de.

chakrit=disturbed; vishram=rest;
chitij=horizon.

Sabr (Patience)

Sabr zamin hai teri azmaish ka
Jo furat khud na chali aye, tu use rok de

Shiddat-e-tashna-dahani tera kya imtehaan legi
Jo teer gale ke par ho jaye tu use rok de

Farsh-e-aza pe tera sajda qayam hai aj
Jo shimr hath barhaye, tu use rok de

Justujoo yeh ki voh bepardah na ho
Jo chadar chin ke le jaye, tu use rok de

zamin: guarantor, furat: stream of water,
Shiddate-e-tashna-dahani: thirst
farsh-e-aza: place for mourning
shimr: the person who killed Him

Zainab

Maqsade hayat-e-Islam ki unvaan zainab
Karbala-o-sham ke bazar ki mehmaan zainab

Asiri ke alam main paikare karvan bangayi
Shab ki tariki main jalti hui ek shama zainab

Be pardah ho ke bhi misle hijaab thi
Pardah dari ki shaan Fatima ki jaan zainab

Chup gayi badalon main is tarah ki dastan ban gayi
Zikre masayb-e-husain ki pahli zakarah zainab

--A tribute to HER