Ek Afsaana

muddat se likh raha hun ek afsana-e-inqalab
koshish meri hai ki voh jo ban jayega aftaab
apni azad fikr se karega yun zamane ko roshan
ki har ek mazoloom ki bebasi ka mujahid bankar
gard ko chaak kar manzil ka nishaan dhoondhega
kya jhoom ke niklegi fiza main bekhudi apni
rafta rafta saya ban ke jo mere sath hoga
voh inqelaab mere nafs ka sipah-salaar hoga
yeh afsaana kagaz pe nahin dil pe liknha hai mujhe
ki jab koi vaar seene pe ho to yeh aur bhi roshan ho