Ab Kisse Kahun..........

waqt ke mare hum bechare
kab se baithe jeevan hare

karm aur dharm ka yeh sangarsh
ab sab kuch tere sahare

voh pavitra bhi vichitra hai
jo tera charitra sanvare

abhilasha se nirash yeh man
bas tujhko hi pukare

kyun kahun aur kisse kahun
jab ho gaya man tere vare

madhya sagar main khoj raha pag
koi to meri nayya ubare

Pasbaan (The Defender)

akhri waqt main kya khaak qadardaan honge
jo kal ghar aye the kya aj mehmaan honge

muddatein beet gayin yuhin muntazir rehkar
ab jo aye ho tum to dil pareshan honge

rukjao ki kuch lamhein udhar rooh se lun
na yun chor chale jism jo meherbaan honge

har lamha justujoo hai ki dam nikle to tum aoo
us sehar main bhi hum tere pasbaan honge

muntazir= awaiting; pasbaan=defender

First Snow of Season

Shwait hai dharti aur chandrama ko hui jalan
hriday aj phir kyun kar raha smaran

swaksh amrit banke tapakta hai yeh jal
har taraf umang phir kyun jal raha hai man

vichitra sanyog aisa ki voh apsara bekhabar
main phir kyun baitha uski yad main magan

tirche naynon main ulajhti hain chanchal kirne
khitij hai phir kyun pulkit kaisi yeh chitvan

neele ambar se utarte hain sushobhit rang
ujala hai har kan phir kyun lagi lagan

pichli barkha ki tarah yeh rang utar jayega
ho rahe jo prasan to kyun phir shithil hai tan

Shwait=White; Chandrama=Moon; Hriday=Heart; Smaran=Remembering;
Swaksh=Pure; Kirne=rays; Khitij=horizon; pulkit=happiness;
ambar=sky; kan=particle; barkha=rain; prasan=happiness; shithil=weak.

Musaafir

voh musafir zindagi talashta raha
manzil manzil dar badar bhatakta raha

hua ahsaas jaise koi zinada hai
us sukoot-e-shab main koi parinda hai

jo khatm karde zindagi kisi ke liye
duniyan main voh kyon sharminda hai

aisa kyon lagta hai koi paas hai
murda hai jab jag to kyon pyaas hai

waqt aur lamha ruka sa raha
phir main aj kyon sonchta raha

sukoot-e-shab: peace of night

Madhya ratri ka ek swapn.....

hui jab madhya ratri, so raha tha jag
us samay kaal ke bhanvar ko bhed kar
dashakon ki chir nidra tyag kar
ek swapn swatantrata ka chal para us pag

uski shashti purti pe aoo naman karein
tejaswi parakram ko jo vishisht hai
ahinsa aur satya ke aadhar jo aseem hai
pragati ke is path pe phir prayasrat rahein

-----swatantrata diwas ki hardik shbhkamanayein

Pani (from the land of sacred 'waters')

Maghribi dhundh main bah gaya pani
Laaj aur sharm le gaya pani

Adab se hum na baith paye
Hichkiyon main pee gaye pani

Jo pak hota tha kabhi ganga main
voh aj khushk ho gaya pani

Lahoo nahaq ka kisne bahaya hai
Pee rahe the ki surkh ho gaya pani

Beabroo hui hurmat kya fasana hai
Dard aisa ki ashq ban gaya pani

taajjub yeh ki phir bhi bahta hai
ab kya kahein ki lajwaab pani

Maghribi= Western; khushk=dry; nahaq= innocent;
surkh=red; lahoo= blood; Hurmat= respect; fasana=story;
ashq=tears;

Kshitij (The Horizon)

Vichitra hai kshitij pe, chandrama gumshuda sa
Kampit ho raha hriday aj phir marmita sa

Chanchal krinay aur chandni nai dastak di hai
Shobhit hai diwas, sham main ujyala sa

Us prahri ke aseem prayas safal hue
So raha jag, ban gaya swapn darpan sa

Tere aagman ki pratiksha main man vairagi hai
Dar phir hai ki dil ho na jaye diljala sa